Helsta áhyggjuefni leigubílstjóra varðandi notkun á rafmagnsbílum í leigubílaakstri er drægni og ending rafhlaðna. En breskt leigubílafyrirtæki í Cornwall fór yfir 160.000 km. á 2013 árgerð af Nissan Leaf. Billinn hefur farið í 25.000 ferðir og hefur verið settur sautján hundruð sinnum í hraðhleðslu en þrátt fyrir það er bíllinn með nánast fulla rafhlöðuendingu og er enn á sömu bremsudiskum. Að sögn eiganda er sparnaður allt að 1.8 milljónir (íslenskar kr.) á ári í viðhalds og rekstrarkostnað og mun bíllinn borga sig upp á 24 mánuðum. En þetta er ekki fyrsti bíllinn sem nær 160.000 kílómetrum (eða 100.000 mílur) en Steve Marsh frá Kent í Washingthon hefur keyrt 2011 árgerð af Nissan Leaf 160.000 km en hann keyrir 210 km. fram og til baka úr vinnu. Marsh segir að rafhlaðan í bílnum eigi 78% eftir sem þýðir ca. 96 km á hleðslu í stað 120 km þegar hann var nýr. Samkvæmt Nissan er það eðlilegt fyrir rafhlöðuna miðað við 160.000 km akstur. Hansjorg von Gemmingen keypti Tesla Roadster eftir að hafa séð hann í þýsku bílablaði og hefur nú náð 300.000 km. á bílnum og af myndinni að dæma ætti hann að komast 222 km á hleðslunni. Samkvæmt rannsókn sem gerð var í Bandaríkjunum ætti Tesla Roadster rafhlaðan að hafa 80-85% af rafhlöðunni eftir, eftir 160.000 km akstur.